|  Həllər  |  Veb

Veb


Delta Telecom veb həlləri Azərbaycanda və dünyada azərbaycandilli kontentin artırılıb müxtəlif ictimai və əyləncə xarakterli, sosial, elmi, texnoloji, telekommunikasiya məlumatları ilə zənginləşdirilməsinə yönəldilib.

Müasir veb standartlara tam şəkildə uyğunlaşdırılmış veb-səhifənin mövcudluğu məşğul olduğu sahədən asılı olmayaraq hər bir müəssisənin və şirkətin nüfuzunu artırmaqda, tanıtmaqda önəmli bir faktordur. Məhz bunu nəzərə alaraq, Delta Telecom müştərilərinə veb-proyektlərin hazırlanması, dizaynı, proqramlaşdırılması, kontentin yığılması, tərcümə və reklam həlləri, həmçinin reklam çarxlarının tərtib edilməsi kimi xidmətləri təklif edir.

Müştərinin məşğul olduğu sahəyə uyğun olaraq, Delta Telecomun web-dizaynerlər qrupu şirkətin rəmzinə, loqosuna, rənginə riayət etməklə gələcək web-səhifənin ümumi quruluşunu qrafik şəkildə tərtib edirlər. Tərtib olunmuş dizayn lahiyəsinin hər bir elementi təsdiq olunduqdan sonra, web-proqramçılar tərəfindən səhifə istənilən dinamik, interaktiv vəziyyətə gətirilir, bazası yaradılır, saytın tam təhlükəsizliyi təmin olunur.

Delta Telecom veb şöbəsi qısa zamanda fəaliyyət göstərməsinə baxmayaraq, bu müddət ərzində Azərbaycanda yeni milli istifadəçi videokontenti - www.azeritube.az; Körpələrimiz üçün milli uşaq saytı - www.bebe.az; Data Mərkəzin rəsmi saytı -www.datacenter.az; Milli onlayn TV - www.muz-tv.az; "Yeni Azərbaycan" onlayn ictimai siyasi qəzet- yeniazerbaycan.com; Çağrı Mərkəzinin proqramlaşmış sistemdə işləməsini təmin edən proqram təminatı Help Desk kimi bir çox layihələrə imza atmışdır.
Həmçinin, yaxın gələcəkdə müqavilələrin sistemləşdirilmiş proqram daxilində istifadəsini nəzərdə tutan sistem yaradılacaq. Əminik ki, peşəkarlardan ibarət olan proqramçı heyətimiz qarşıda duran bütün məqsədlərə çatmağa qadirdir və bu yolda durmadan çalışmaqdadır.

Əlavə suallar üçün: web@delta-telecom.net